ප්රජාතන්ත්රවාදය...
දේශපාලන ශබ්දකෝෂයට එක්වු ප්රජාතන්ත්රවාදය දේශපාලනයේ දී හපා ඉවත දමන චුයිම්ගම් එකක් බවට පත් වී තිබේ.මැතිවරණයකදී කරළිය මත මල්වර වන ප්රජාතන්ත්රවාදය,දේශපාලනය තුළම දූෂණය වී ගබ්සාවී තිබේ. මේ වන විට ශ්රී ලාංකීය මැතිවරණ ක්රියාවලියේ එම ගබ්සාවීම සිදුවන බව කණගාටුවෙන් වුව ද සටහන් කිරීමට සිදුව තිබේ.
ප්රජාතන්ත්රවාදය විපක්ෂයට යහපාලනය වුදා කරන සැබෑ වෙනසක් ලෙස පෙනෙන අතර ආණ්ඩු පක්ෂයට එය සුබ අනාගතයක් ලෙස පෙනෙයි. රටතුළ ප්රජාතන්ත්රවාදය ස්ථාපිත කොට, රට සුකිත මුදිත කිරීම ඔවුන්ගේ පරම අභිමතයවී ඇත.
දේශපාලනයේ ප්රජාතන්ත්රවාදය අභියෝගයට ලක්ව තිබේ.එයට ප්රධාන හේතුව නම් දේශපාලනයේ සමස්ථ ප්රතිපත්ති සමාජ දේශපාලන ක්රියාවලිය තුළම කෙළසා දාමා ඇති නිසාය.මේ නිසා ජනතාව ඉදිරියේ අද එය නිකම් ම හිස් වදනක් බවට පත් වෙමින් තිබේ.සමාජය තුළ ප්රජාතන්ත්රවාදය අනතුරට හෙළීමෙන් ඒ අවධානමට මුහුණ පාන්නට සිදුවන්නේ රටේ මහජනතාවටය.රටේ ප්රජාතන්ත්රවාදය සමඟ දේශපාලඥයන් සෙල්ලම් කළ හැටි අතීතය පුරා දැක ගත හැකිය.
උතුරේ ජනතාවට ප්රජාතන්ත්රවාදී ආයිතීන් ලබා දෙනවා යැයි ප්රකාශ කළ දේශපාලඥයන් උතුරේ ජනතාව ජනවාර්ගික අර්බුදයක් දක්වා තල්ලු කර ගෙන ගියේ ය. එම දේශපාලන න්යාය පත්රයේ යථාර්තය වසන් කර පටු වාසි අපේක්ෂා කිරීම මත එකී දේශපාලනය ජනතාව විපතේ හෙළී ය.
මින් කලදුටු කල වල ඉහගැනීමේ ප්රතිපත්තියක නියැලුන එල්.ටී.ටී.ඊ සංවිධානය ඇතුළු ප්රභාකරන් උතුරේ ජනතාවගේ මෙන් ම සමස්ථ රටේම ජනතාවගේ ගෙල සිර කළේ ය.
මෙය ආචාරියාට තැලීමට ඉතා හොඳ යකඩ කෑල්ලක් ලැබුනා සේ දේශපාලන ආචාරින් විසින් කාලයක් පුරා ජනවාර්ගික අර්බුදය තලමින් සිටියේ ය.දේශපාලනය තුළ ප්රජාතන්ත්රවාදයට සීමාවක් පවති.එය පුද්ගලයකුගේ නිදහස කෙනෙකුගේ නහය ළඟට පමණයි යන කියමන ප්රජාතන්ත්රවදයට ද ගළපා ගත හැකිය.හිට්ලර් තම ප්රජාතන්ත්රවාදය ප්රකාශ කළේ යුදෙව්වන් ඝාතනය කරමිනි.ඒ හිට්ලර් ගේ හැටිය.
මේ වනවිට යළිත් රටේ දේශපාලනය තුළ ප්රජාතන්ත්රවාදය ප්රකාශ වෙයි.විපක්ෂය කරන ප්රධාන චෝදනාවක් වන්නේ මහින්ද රාජපක්ෂ පාලනය විසින් දුෂණය,පවුල් පාලනය,මානව හිමිකම් උල්ලංඝණය කිරීම් සිදු කර ඇති බවය.ප්රධාන පොදු අපේක්ෂක හිටපු හමුදාපති සරත් ෆොන්සේකා මෙවර ජනාධිපති ධූරයට ඉදිරිපත් වී තිබේ.ඔහු ප්රකාශ කරන ලෙසට මෙරට ප්රජාතන්ත්රවාදයක් නොමැත.ඔහුගේ හමුදා ජීවිතය වසර හතලිහකි.ඒ කාලය පුරා මෙරට ප්රජාතන්ත්රවාදයේ හැඩරුව නොදන්නවා විය නොහැකිය.ජනරාල් ෆොන්සේකා අද තම සේනාධිනායකයාට එරෙහිවම සටනට එන්න තරම් වූ ප්රජාතන්තරවාදයක් ඉතිරි වී තිබුන බව අමතක වී තිබේ.
විපක්ෂයේ දේශපාලනය සම්පූර්නයෙන් ම සංකල්ප මෙහෙයුමක් බවට පත්ව තිබේ.රජයක් එරට ප්රජාතන්ත්රවාදය විනාශ කළා නම් එය ජනතාව තුළින් ප්රකාශ විය යුතුය. එය පසුගිය 17 වසරක පාලනය ට විරුද්ධව ජනතාව පෙළගැසුණු අයුරින් ම හදුනා ගත හැකිය. දැන් පවතින්නේ මැතිවරණ යහන මත ප්රජාතන්ත්රවාදය කෙළසා දැමීමේ ක්රමවේදයකි.
යුද්ධය පවතින කාලවකවානු තුළ රටේ ප්රජාතන්ත්රවාදය උකසට තබා තිබුණි.එය අද වෙනස් වී තිබේ . එය වෙනස් කර ඇත.මහින්ද රාජපක්ෂ පාලනය විසින් ජනතාව වෙත එම නිදහස ලබා දීම පැසසිය යුතුය.එය මහින්ද රාජපක්ෂ පමණක් ලබා දුන් නිදහසක් නොවන බවට තර්ක කළ හැකි මුත්,ඒ සඳහා නායකත්වය ඔහු විසින් ලබා දුන්නා යැයි ප්රකාශ කිරීම කුහක කම අතහැරීමකි.
අධිරාජ්යවාදී ප්රජාතන්ත්රවාදයත් ආර්ථික ප්රජාතන්ත්රවාදයත් අද නැවත විවාදයට බඳුන් වී තිබේ.ෆොන්සේකා හරහා ලබා දීමට යන ප්රජාතන්ත්රවාදය පිළිබඳව සීමාව පෙනෙන්නට නැත. එහෙත් මේ වන විටත් මහින්ද රාජපක්ෂගේ ප්රජාතන්ත්රවාදයේ සීමා ජනතාව විසින් අවබෝධ කොට ගෙන ඇත.ෆොන්සේකාගේ ප්රජාතන්ත්රවාදයේ සිමා පනින බව ඔහුගේ නායකත්වයේ පරමාදර්ශී ප්රකාශ තුළින් ම මේ විට හෙළි වී තිබේ.
ඒකීය රාජ්ය පිළිබඳ සංකල්පය තම ප්රතිපත්ති ප්රකාශය තුළින් ඉවත් කර ගෙන ඇති සරත් ෆොන්සේකා උතුරේ ජනතාවට ප්රජාතන්ත්රවාදය අහිමි කළ දේශාපාලන ක්රමයම ඉදිරියට ගත්තේ ය.එය සරත් ෆොන්සේකා තනිව ගත් ක්රමයක් නොවන බවට පැහැදිලි වෙයි. රනිල් වික්රමසිංහ ප්රකාශ කරන පරිදි සරත් ෆොන්සේකා ඔහු විසින් ඉදිරිපත් කළ අපේක්ෂකයා වීමත්, හිටපු අගවිනිසුරු සරත් එන් ද සිල්වා විසින් සකස් කර දෙන ප්රතිපත්තිය ප්රකාශ කරන අපෙක්ෂකයකු වීමත් තුලින් දේශපාලන මතවාදය තුළ ෆොන්සේකා සාධකය සිර වී සිටින බවට පැහැදිළි වෙයි.මේ නිසාම විපක්ෂයේ ප්රජාතන්ත්රවාදය අද නැවත වරක් ප්රභාකරන්වාදය තුළ සිර කරගෙන ඇත.
ලෝකයේ හමුදා පලන ප්රජාතන්ත්රවදය තුළ ක්රියත්මක වී නැත.එම ව්යුහ එලෙස ක්රියාත්මක වන්නේ ද නැත.හේතුව නම්, සියල්ල අණ මත ක්රියා කිරීමය.අණට පැහැදිළි සීමාවක් පවති.හොදින් හෝ නරකින් එය ඉටුකල යුතුය.එය සංස්කෘතික මිනිසුන් සිටින රටකට ගැළ පෙන්නේ නැත.මිලිටරි සංස්කෘතිය තුළ සංවේදී ප්රවේශ නැත.ඇත්තේ අණ කිරීම් පමණි.
සන්හිදියාවක සිටි රටේ ජනතාව අතර යළි ප්රජාතන්ත්රවාදය අභියෝගයකට ලක්ව තිබේ.එයට හේතුව අසංවේදී දේශපාලන ප්රවේශයක් ජනතාවට නැවත වරක් අත්විදීමට සිදු වූ නිසය.එය පෙර සඳහන් කළ ප්රජාතන්ත්රවාදයේ ගබ්සාවකි. මහින්ද පාලනයට මෙය අභියෝගයක් වන්නේ සියළු බැර ඔහු වෙතම එල්ල වන බැවිනි.මැතිවරණ කාලය තුළ සිදුවන ප්රචණ්ඩක්රියා අවසන වශයෙන් බැරවන්නේ ආණ්ඩුවටය. රජයකට, විපක්ෂයට තරම් මැතිවරණයකට මුහුණ දීම පහසු නැත.
ලබන 26 වෙනිදාට පවතින අභියෝගය වන්නේ, තහවුරු කරන්නට යන ප්රජාතන්ත්රවාදයේ හැඩය කුමක් දැයි යන්න හදුනා ගැනීමය.සරත් ෆොන්සේකා නිර්පක්ෂිකය.ඔහුගේ පාලනය ක්රියාත්මක වන්නේ කොතැනද?ප්රජතන්ත්රවාදය ක්රියාත්මක වන බල කේන්ද්රය කොතැනද?එය තවමත් පැහැදිලි නැත.මෙවැනි දේශපාලන වටපිටාව තුළ විධයකයට පැමිණීම අනතුරු දායකය.එසේ සඳහන් කරන්නට හේතුව වන්නේ,ප්රජාතන්ත්රවාදයේ සීමා මායිම් පිළිබඳව ජනතාවට ඇති දුරස්ථභාවයයි.මේ නිසාම ජනතාව වඩා සංවේදී නායකයා වෙත සමීප වීම සිදුවිය හැකිය.ප්රජාතන්ත්රවාදය නැවත නව ගමනක් අරඹන්නේ යැයි අපේක්ෂා කරන 26 දිනෙන් පසු පෙළ ගැසෙන්නේ කොතැනටද?එය නිරමාණය කිරීමේ වගකීම ඇත්තේ වේදිකාව මත සිට බෙරිහන් දෙන වේදිකා ප්රජාතන්ත්රවාදී දේෂපාලඥයන් ට නොව දෙපයින් සිටගත් ප්රජාතන්ත්රවාදී මිනිසුන් විසින්ටය. එසේ කළහොත් සංවේදී නායකයා කවුරුන්දැයි හඳුනාගැනීමට අපහසු වන්නේ නැත.
SINHALA PUWATH BLOG-http://www.srilankapuwathletter.blogspot.com
No comments:
Post a Comment